Raportimet rreth një Galaxy Fold Lite në 2020 dhe 2021 po qarkullonin shpesh herë në internet, mirëpo ato u shuajtën menjëherë pas një periudhe kohe. Tashmë këto raportime po rikthehen sërisht në qarkullim.
Leaker-i @chunvn8888 ka treguar se Samsung mund të jetë duke punuar për të sjellë një smartphone të palosshëm me çmim më të lirë, i cili do të jetë pjesë e serisë Galaxy A. Ai nuk ka përmendur detaje të tjera rreth këtij smartphone-i, pasi me shumë mundësi kompania është ende në hapat e para të zhvillimit.
Fold lite?
— 한가련 (@GaryeonHan) June 3, 2022
Më parë në raportimet për Galaxy Fold Lite tregohej se do të kishte një ekran të palosshëm më të vogël (7 inç) se Z Fold 3 (7.6 inç) si dhe ekran të jashtëm shumë më të vogël (4 inç) se ai që gjendet aktualisht në Z Fold 3 (6.2 inç). Gjithashtu po aludohej se kjo pajisje nuk do të përdorte të njejtën shtresë ultra të hollë xhami që përfshihet në smartphone-t e palosshëm premium Flip dhe Fold, dhe se trupi do të ishte prej alumini.
Besohej se kjo pajisje do të fuqizohej nga proçesori Qualcomm Snapdragon 865, do të shoqërohej nga 256GB RAM dhe do të kushtonte $900-$1,000.
Mirëpo meqë ka kaluar më tepër se 1 vit që nga këto raportime, pritet të ketë ndryshime të reja.
