Telefonët Samsung janë të njohur për opsionet e shumta të personalizimit dhe një nga veçoritë më pak të njohura, por shumë të fuqishme, është “Connectivity Labs” që ndodhet thellë në cilësimet e Wi-Fi. E disponueshme në pajisjet Samsung me One UI 6, 7 dhe versionin beta të One UI 8, kjo veçori u shtua për herë të parë në vitin 2023 dhe kohët e fundit ka marrë vëmendje në Reddit. Ajo ofron mjete të avancuara për monitorimin dhe konfigurimin e lidhjeve Wi-Fi.
Për ta aktivizuar:
- Hap Settings
- Shko te Connections → Wi-Fi
- Shtyp menunë me tre pika → Intelligent Wi-Fi
Pasi aktivizohet, Connectivity Labs ofron shumë funksione. Fillon me një grafik të përdorimit të Wi-Fi për javën e fundit, duke treguar cilat breza janë përdorur. Një veçori e dalluar është Home Wi-Fi inspection, që të lejon të kontrollosh cilësinë e sinjalit në shtëpi duke ecur nëpër dhoma.
Opsione të tjera të dobishme përfshijnë:
- Kalimi më i shpejtë te të dhënat mobile: kalon automatikisht në rrjet celular kur sinjali Wi-Fi është i dobët – veçanërisht i dobishëm për ata me internet pa limit.
- Rilidhje automatike me Wi-Fi të operatorit: aktivizon ose çaktivizon lidhjen automatike me rrjetet publike të operatorëve të caktuar.
- Personalizimi i listës Wi-Fi: shton filtrat për të parë vetëm rrjetet e sigurta ose lidhjet Wi-Fi 6.
Në fund të faqes gjendet edhe menyja Wi-Fi Developer Options, që zbulon më shumë cilësime. Një nga më të dobishmet është Nearby Wi-Fi information, e cila kategorizon rrjetet përreth sipas cilësisë së sinjalit (Më i Mirë, i Mirë, i Dobët, Më i Keqi), duke të ndihmuar të zgjedhësh rrjetin më të mirë kur ka shumë opsione.
