Kishim dëgjuar shtyrje date lançimi për shkak të pandemisë, por duket se krejt e kundërta Samsung ka vendosur ta afrojë.
Po flasim për pasardhësin e S20, qoftë ai S21 apo S30. Tradicionalisht lançimi i flagshipit të kompanisë bëhej në shkurt e dërgesat e para fillonin tipikisht në mars.
Raportime nga mediat koreane kanë spekuluar se seria S e re mund të vinte që në dhjetor por një publikim i ri nga SamMobile thotë se lançimi do të mbahet në janar 2021.
Arsyeja pas kësaj mund të jetë vetëm thellimi i distancës kohore nga Galaxy S21 me Galaxy Z Fold e ri. Furnizuesit e Samsung gjithashtu mësohet se janë duke prodhuar në masë komponentë për serinë S21 që tani, gati një muaj më herët se S20.
Ndaj edhe afrimi i datës duket goxha i mundshëm.
