Sipas raportimeve të fundit nga SamMobile, Samsung po planifikon për të ulur numrin e smartphone-ve të prodhuar gjatë 2022 nga 310 milionë në 280 milionë. Sigurisht që kjo shifër është ende tepër e madhe, por është një rënie e menjëhershme krahasuar me qëllimet që kjo kompani kishte.
Me sa duket prodhuesit e smartphone-ve po përgatiten që të përballojnë një tjetër krizë ekonomike, pasi e njejta lëvizje po kryhet dhe nga kompani të tjera si Apple.
Kjo lëvizje me shumë mundësi do të prekë të gjitha linjat e smartphone-ve të prodhuar, që nga ata low-end dhe deri tek pajisjet high-end. Në të vërtetë ulja e prodhimit të pajisjeve low-end duket si një ide e gabuar, pasi ato do të ishin zgjedhjet e para të njerëzve gjatë një dëmtimi ekonomik. Mirëpo ekziston gjithashtu dhe një zgjidhje tjetër për përdoruesit: mos blerja e një smartphone-i të ri.
Personat që kanë dëshirë të blejnë smartphone low-end nuk e konsiderojnë asnjeherë blerjen e një pajisje të tillë për sa kohë nuk kanë nevojë. Ndërkohë nga ana tjetër personat që përdorin një smartphone high-end do të ishin më mirë nëse shfrytëzonin të njejtin smartphone dhe për 1-2 vite të tjera.
Efektet e luftës Rusi/Ukrainë dhe pasojat e pandemisë kanë prekur dhe Apple, e cila pritet të prodhojë të njejtin numër pajisjesh si gjatë vitit të kaluar, dhe pse ato do të sjellin disa ndryshime masive në iPhone 14.
