The Elec raporton se Samsung do të përdorë një teknologji që aktualisht po aplikohet në bateritë e makineve elektrike, në gjeneratat e ardhshme të smartphone-ve. Metoda e ashtuquajtur “stacking” (e mbivendosjes) lejon që komponentët e baterisë të paketohen më ngushtë dhe të arrihet një rritje e kapacitetit me 10% krahasuar me bateritë që përdoren aktualisht në Galaxy S22 Ultra.
Arritja e densitetit më të lartë të energjisë duke përdorur të njejtën madhësi baterie bëhet e mundur duke mbivendosur komponentët si anoda dhe ndarësit në formë të ngjashme me shkallët. Kjo gjë ka ndihmuar Samsung të ulë koston e prodhimit dhe të rrisë autonominë e makinave elektrike përmes gjeneratës së 5-të të baterive që vijnë nga fabrika në Hungari.
Kjo është hera e parë që kompania konsideron përdorimin e kësaj teknologjie në bateritë më të vogla, si ato për smartphone. Apple përdor bateritë në formën e shkronjës L në disa nga iPhone-t e saj për të rritur madhësinë totale të baterisë, ndërkohë që Samsung po rrit kapacitetin e baterisë nga brenda duke ruajtur të njejtën madhësi.
Pra, nëse kjo teknologji do të ishte aplikuar në baterinë e S22 Ultra, bateria e smartphone-it do të kishte kapacitet 5,500mAh në vend të asaj 5,000mAh. Mirëpo kjo teknologji mund të përdoret dhe për të prodhuar smartphone akoma dhe më të hollë.
