Samsung Electronics dhe AMD kanë zgjeruar partneritetin e tyre për të sjellë teknologjinë e grafikave AMD Radeon në proçesorët e kompanisë Samsung Exynos. Kjo marrëveshje disa vjeçare do të lejojë Samsung që të ofrojë grafika të nivelit të lartë në lojra njësoj si në konsolat PS apo XBOX, ndërkohë që optimizon konsumin e baterisë në shumë pajisje të reja.
“Së bashku me AMD, Samsung ka revolucionarizuar grafikat në smartphone, duke përfshirë këtu dhe bashkëpunimin tonë të kohëve të fundit që solli aftësinë ray tracing në proçesorët e smartphone-ve për herë të parë në industri. Duke shfrytëzuar eksperiencën tonë në dizenjimin e zgjidhjeve ultra-low-power, ne do të vazhdojmë të përmirësojmë hapësirën e grafikave në smartphone.” tha Seogjun Lee, zëvëndës president ekzekutiv në Application Processor Development në Samsung Electronics.
Fillimisht Samsung dhe AMD prezantuan bashkëpunimin për liçensimin e arkitekturës së grafikave RDNA, një bashkëpunim që u zgjerua më pas me zhvillimin e Samsung Xclipse të ndërtuar me arkitekturën AMD RDNA 2 në 2022. Ky ishte GPU i parë për smartphone me ray tracing të nxitur nga hardware-i.
“Ne jemi tepër të kënaqur që Samsung zgjodhi disa gjenerata të ndryshme nga Radeon graphics për t’i integruar në Samsung Exynos.” tha David Wang, zëvëndës president i lartë i Radeon Technologies Group në AMD.
