Provat rreth ekzistencës smartphone-it të palosshëm Oppo Find N2 Flip kanë nisur të qarkullojnë në internet. Nëse ju nuk ishit në dijeni, pritet që ky smartphone të prezantohet zyrtarisht në të njejtin event së bashku me Oppo Find N2 gjatë Inno Day 2022.
Find N2 Flip u vu re në publik ndërkohë që një person po e përdorte, por nuk mund të shihej shumë qartë pasi pajisja ishte e mbuluar me këllëfët specifikë. Por për të kuptuar akoma dhe më mirë dizajnin e kësaj pajisje të palosshme do të na ndihmojë ky render i publikuar në Weibo.
Deri më tani zëra të ndryshëm tregojnë se Oppo Find N2 Flip do të ketë një ekran të palosshëm 6.8 inç me kamera selfie punch-hole 32MP në pjesën e brendshme. Ekrani i jashtëm do të ketë një madhësi të konsiderueshme prej 3.26 inç, mbi 1 inç më e madhe se ajo e Samsung Galaxy Z Flip 4.
Dimensity 9000+ mund të jetë proçesori që do të fuqizojë këtë pajisje, që do të ketë kapacitet baterie 4,300mAh dhe do të karikohet shpejt me karikuesen 44W.
Për sa i përket kamerave, Find N2 Flip mund të përdorë sensorin 50MP Sony IMX766 si dhe një sensor ultrawide 8MP.
