Fotografitë e para “hands-on” të gjeneratës së re të smartphone-ve flagship nga Samsung kanë bërë xhiron e rrjetit. Ato vijnë nga një person i quajtur Jon Prosser, i cili i ka publikuar atë në Front Page Tech. Ndërkohë që fotot duken sikur janë shkrepur në mënyrë të shpejtë dhe nuk janë shumë të qarta, rreshtimi i kamerave në pjesën e pasme duket më keq se ç’ishte parë nga renders-at e publikuar më parë.
Nga këto pamje duket se Galaxy S22 Ultra ka madhësinë e një phablet (phone-tablet). Në njërën nga pamjet shihet dhe S Pen i integruar në pjesën e majtë të ekranit, gjë që tregon se renders-at e mëparshme ishin shumë të sakta. Samsung Galaxy S22 Ultra do të ketë kënde mjaft katrore, gjë që na tregon se me shumë mundësi ky do të jetë Note i ri, thjesht do të vijë me një tjetër emër.
Prosser thotë se S22 Ultra do të ketë një kamer kryesore 108MP, një ultra-wide 12MP, një telephoto 10MP me zoom 10x bashkë me një tjetër kamera telephoto 10MP me zoom 3x. Sensori i 5-të në pjesën e pasme me shumë mundësi do të jetë një sensor laser-autofocus.
Ekrani pritet të vijë në madhësinë 6.8 inç dhe do të vijë me teknologjinë AMOLED 120 Hz refresh rate. Për sa i përket memories, S22 Ultra mund të ketë 16GB RAM dhe 512GB internal storage.
