Dita me diell duket që në mëngjes thotë populli. E duket se dielli po shndrin mjaft mirë për Apple e cila sapo i solli botës një iPhone të ri.
24 orët e para të porositjeve të iPhone 12 u mbyllën shumë më mirë se ato të iPhone 11, kjo sipas analistit Ming-Chi Kuo nga TF International.
Kuo raporton se vetëm ditën e parë u shitën plot 2 milion njësi, goxha diferencë krahasuar me 800,000 të iPhonit të vjetër. Por për javën e parë të porosive, e cila u mbyll këtë të shtunë, ai parashikoi se do të shiten 9 milion njësi. Më pak nga iPhone 11 me 11 milion në po të njëjtën periudhë.
Analisti ka një histori vërtetë të suksesshme në parashikimet e produkteve dhe shitjeve të Apple ndaj fjalët e tij kanë mjaft peshë sidomos tani që kompania nuk publikon më shifra shitjesh.
Ndër të tjera ai raporton:
– Ulja e çmimit të iPhone 11 në $599 shkaktoi ulje kërkesash për iPhone 12.
– iPhone 12 Pro u shit më mirë edhe falë disponibilitetit të gjerë të 5G në Kinë. Kuo thotë se Kina përbën 35% – 45% të kërkesës për iPhone Pro.
– Kërkesa për iPhone 12 Mini dhe 12 Pro Max do të jetë më e ulët se 12 dhe 12 Pro.
– Koha e dërgesave ka kaluar nga 5 në 10 ditë, duke nënkuptuar kërkesë më të madhe nga çfarë Apple kishte pritur.
