Përdoruesit e Apple njihen për shpenzimin e një sasie të madhe parash për të rifreskuar pajisjet e tyre. Shpesh herë përdoruesit e Android vënë në dyshim ndërgjegjjen e përdoruesve të iPhone pasi ato janë gjithmonë të gatshëm të shpenzojnë kaq shumë para në një smartphone.
Mirëpo çfarë e bën një iPhone më të shtrenjtë se një Android? Më poshtë ne do të diskutojmë disa nga avantazhet që smartphone-t e Apple ofrojnë.
iPhone ruan performancën e smartphone-ve për një kohë më të gjatë
Mënyra se si pajisja juaj funksionon varet tërësisht nga proçesori. Krahasuar me smartphone-t më të mirë Android, seria A e proçesorëve nga Apple është gjithmonë në avantazh ndaj proçesorëve të tjerë. Kjo gjë ndodh pasi proçesorët e serisë A janë të dizenjuar specifikisht për iPhone-t, duke optimizuar mjaft mirë të gjitha shërbimet.
Siguria
Dhe pse kjo gjë mund të jetë e diskutueshme, smartphone-t Android kanë një reputacion disi të dyshimtë për sa i përket sigurisë. Problemi kryesor qëndron në faktin se smartphone-t nuk kanë asnjë kontroll mbi software-in e Android. Gjithashtu, nivelet e sigurisë mund të kompromentohen në disa pajisje të cilat përdorin një sistem operativ të vjetër.
Apple ofron update të rregullta për shumë pajisje të saja, përshembull një përdorues me iPhone 8 mund të instalojë iOS 16 dhe të ketë të njejtin nivel sigurie me një person që përdor iPhone 14.
Cilësia e kamerave
Departamenti i kamerave është ndër më të rëndësishmit në smartphone-t e ditëve të sotme, dhe Apple shkëlqen në këtë drejtim. Pavarësisht konkurencës mjaft të fortë nga seria S e Samsung apo smartphone-t Pixel nga Google, iPhone vazhdon të mbetet një zgjedhje e sigurtë në të gjitha rastet.
Dizajni elegant dhe cilësia e materialeve
Prej shumë kohësh iPhone-t kanë patur një dizajn tërheqës, i cili mund të njihet nga distanca. Dhe kur dizajni është disi i diskutueshëm (prania e notch në smartphone-t e mëparshëm), gjithmonë kthehet në një trend për t’u ndjekur nga kompanitë e tjera.
Vlera e markës
Për Apple, iPhone-i nuk është thjesht një smartphone, por një markë. Kjo është një ndër arsyet se përse iPhone-t janë ndër pajisjet më të admiruara në treg.
