Oppo ka njoftuar prezantimin e ardhshëm global të smartphone-it të saj të fundit të palosshëm – Oppo Find N5 – dhe ky është modeli më i hollë i palosshëm në botë deri më sot.
Në fakt, ky smartphone është më i holli në botë në momenti kur është i palosur, pasi më modalitetin e hapur këtë rekord e mban pajisja e Huawei Mate XT, i cili vjen me 3 module të palosshme.
Megjithatë Oppo Find N5 është aq i hollë në fakt sa kompanisë i është dashur të ridizenjojë portën USB me vetëm një copë metali që e ndan atë nga skajet e kasës. Rrudha e palosjes gjithashtu është zvogëluar në mënyrë dramatike, aq sa është mezi e dukshme gjatë përdorimit – dhe mund të shikohet vetëm në një ndriçim specifik.
Pavarësisht se ndihet jashtëzakonisht i hollë, Find N5 vjen gjithashtu me një vlerësim të trefishtë të rezistencës ndaj ujit të IPX6, X8 dhe X9. Ishulli i kamerës përmban një konfigurim të trefishtë, i cili tregon dhe logon Hasselblad në mesin e ishullit. Duket se Oppo po vazhdon partneritetin me mjeshtrat suedezë të kamerës me një sistem tjetër kamerash të krijuar në bashkëpunim me Hasselblad të ngjashëm me Oppo Find X8 Pro të fundit.
Find N5 është një vazhdim i Oppo Find N3, i lëshuar në vitin 2023, me kompaninë që ka anashkaluar emrin N4 për shkak të “fatit të keq” që lidhet me këtë numër në Kinë. Sidoqoftë, Find N3 do të njihet më mirë për audiencën globale si OnePlus Open.
OnePlus është marka motër e Oppo-s që zakonisht trajton prezantimet për tregun e SHBA, dhe ndërsa aktualisht nuk ka asnjë fjalë se cilat janë planet e ardhshme të OnePlus, kjo pajisje mund të vijë dhe nën markën OnePlus si OnePlus Open 2, me OxygenOS.
Ky smartphone do të vijë në tregun global në datën 20 shkurt.
