OnePlus Nord CE 2 është produkti më i ri i kompanisë që i shtohes linjës me çmim më të përballueshëm Nord. Ky version është teknikisht një Nord 2 i cili ka larguar disa shërbime për ta bërë smartphone-in dhe më të lirë.
Megjithatë dhe pse vjen me një çmim prej €349, disa nga specifikat e saja shihen vetëm në smartphone-t flagship kohët e fundit, si përshembull karikimi i shpejtë 65W (iPhone 13 ofron karikim të shpejtë 27W). Gjithashtu Nord CE 2 përdor një ekran 6.43 inç 1080p OLED me refresh rate 90hz.
Për sa kohë ky smartphone konsiderohet si “me një kosto të përballueshme”, bën sens që të jetë i pranishëm dhe një komponent shumë i rrallë në ditët e sotme, 3,5mm headphone jack.
Në pjesën e brendshme OnePlus Nord CE 2 fuqizohet nga proçesori MediaTek Dimensity 900, i cili shoqërohet nga 8GB RAM dhe 128GB internal storage. Smartphone-i do të ofrojë vend për dy karta SIM dhe për microSD me madhësi deri në 1TB.
Sistemi i kamerave të pasme është i përbërë nga 3 sensorë: ai kryesor 64MP, ultrawide 8MP dhe një macro 2MP. Në pjesën e parme gjendet kamera selfie 16MP në formën hole punch.
Fotot e mëposhtme nga The Verge tregojnë performancën e këtyre kamerave në situata të ndryshme, me shumë apo pak ndriçim.
