Jemi mësuar tashmë me OnePlus dhe faktin që çdo vit nxjerr një nga seritë e Android-ëve më interesante në treg.
Prezantimi gjatë viteve të para ishte ofrimi i sa më shumë opsioneve elitë në çmime sa më të ulëta. Por duket se OnePlus nuk është më e ndrojtur dhe ambiciet po i tregon hapur.
2 versione të OnePlus u prezantuan vetëm pak minuta më parë gjatë eventit live; 8 dhe 8 Pro.
OnePlus 8 është një version më i përmirësuar i 7T së vjetshëm ndërsa 8 Pro është basti ku kompania shpreson më shumë pa kursyer më në fund asgjë.
E nisim me 8 bazë i cili është po aq i fuqishëm sa pritej. Snapdragon 856, deri në 12 GB RAM, ekran AMOLED 90Hz refresh rate, 4300 mAh bateri dhe OxygenOS e bazuar në Android.

OnePlus 8 Pro përveç këtyre sipër sjell një bukuri të quajtur ekran AMOLED 120Hz, kamera më interesante, bateri më të madhe dhe më në fund wireless charging kësaj here 30Wat.
OnePlus 8 fillon tek $699 për 8GB/128GB duke shkuar deri në 12GB/256GB për $799.
8 Pro fillon tek $899 për konfigurimin e parë dhe shkon deri në $999 për të dytin.
Të dy smartphone-t do të kenë 5G.
Versionet e ngjyrave janë Interstellar Glow, Glacial Green, Ultramarine Blue, dhe Onyx Black.
Shitjet fillojnë në 29 Prill nëpërmjet OnePlus dhe kësaj here edhe nëpërmjet Amazon.
Ja dhe lista e plotë e specifikimeve:
| 
 | OnePlus 8 | OnePlus 8 Pro | 
| Sistemi  | Android 10 | Android 10 | 
| Ekrani | 6.55-inch 90Hz Fluid AMOLED | 6.7-inch 120Hz Fluid AMOLED | 
| Proçesori | Snapdragon 865 | Snapdragon 865 | 
| RAM | 8GB/12GB LPDDR4X | 8GB/12GB LPDDR5 | 
| Memorie | 128GB/256GB UFS3.0 | 128GB/256GB UFS3.0 | 
| MicroSD | Jo | Jo | 
| Kamera 1 | 48MP, 0.8um | 48MP, 1.12um | 
| Kamera 2 | 2MP, 1.75um | 8MP, 1.0um | 
| Kamera 3 | 16MP, 1.0um | 48MP | 
| Kamera 4 | Jo | 5MP Filter ngjyre | 
| Bateria | 4300mAh | 4510mAh | 
| Karikimi | USB-C 3.1 | USB-C 3.1 | 
| Mbrojtje nga Uji | IP68 (disa modele) | IP68 | 
| Siguria | Shenjë gishti nën-ekran  | Shenjë gishti nën-ekran | 



 
			 
                                 
								 
     
     
     
   
		 
		 
		 
		 
		 
		 
		 
		