Me shumë mundësi Galaxy A52 5G do të publikohet javën e ardhshme në eventin e dytë Unpacked të Samsung për këtë vit, por një YouTube-r ka realizuar një video unboxing dhe ne nuk kemi pse të presim publikimin zyrtar.
Ky smartphone midrange është përfolur shumë këto kohë për shkak të leaks të ndryshme, dhe tani të gjitha karakteristikat e tij janë paraqitur në videon e publikuar. A52 5G do të ketë një ekran me refresh rate 120Hz, bateri 4500mAh, sensor të shenjës së gishtit nën ekran dhe kamera kryesore 64MP me OIS. Gjithashtu smartphone-i ka një vend të posaçëm për microSD card, gjë që nuk ofrohet në serinë S21.
A52 5G dhe A72 5G pritet që të shoqërohen nga variante të tjera jo-5G me çmim më të lirë dhe ekran 90Hz. Megjithatë Samsung nuk ka konfirmuar produktet që do të prezantohen në eventin e javës së ardhshme.
