Galaxy S22 Ultra është pajisja më e mirë që ofrohet nga Samsung për momentin, e cila vjen me specifikat më të mira në treg për sa i përket hardware-it dhe me një software shumë të përmirësuar.
Mirëpo prezantimi i iPhone 14 Pro dhe shërbimit më të ri Dynamic Island, që përfiton nga prerja për elementët e Face ID dhe kameras selfie për të sjellë njoftimet në një stil të ri, duket se ka tërhequr dhe fansat e pajisjeve Android.
Madje njëri prej përdoruesve të Samsung vendosi që të sjellë një version të Dynamic Island në Galaxy S22 Ultra-n e tij. Sipas një raportimi nga CNMO, fansi i Samsung krijoi këtë shërbim të ri në pajisjen e tij, e cila duket po aq e bukur sa në iPhone.
Ky raportim shfaq se si funksionon Smart Island funksionon në S22 Ultra, ku shfaq informacionin mbi baterinë, ikonën e regjistrimit të telefonatave së bashku me kohën, luajtjen e muzikës, ndërlidhjen me S Pen, detajet e kufjeve wireless Buds dhe njoftimet e tjera nga aplikacione të ndryshme. Krijuesi i këtij shërbimi premton se në të ardhmen do të mbështeten akoma dhe më tepër shërbime.
Pasi panë videon, ndjekësit komentuan duke vlerësuar animacionet e këtij shërbimi.
