Nëse alarmi i iPhone-it tuaj nuk ju ka zgjuar kohët e fundit, duket se nuk jeni të vetëm. Apple ka konfirmuar për Today se është në dijeni të këtij problemi, i cili vjen nga një bug në software-in e iPhone, pas ankesave të përdoruesve në TikTok dhe platforma të tjera sociale.
Apple është “i vetëdijshëm për një problem që bën që disa alarme të iPhone të mos luajnë tingullin e paracaktuar“, sipas raportit dhe “po punon për të rregulluar këtë problem sa më shpejt“. Deklarata zyrtare e kompanisë nuk hyri në më shumë detaje se çfarë e shkaktoi problemin ose pse duket se prek disa përdorues, por jo të gjithë.
Këto lloj defektesh zakonisht lidhen me një lloj ndryshimi të orës; një defekt i alarmit iOS rreth vitit 2010 u shkaktua nga ndërrimi i orës dhe një tjetër herë u shfaq në dy ditët e para të 2011 kur alarmet papritmas pushuan së funksionuari për dy ditët e para të vitit (për arsye të paditura, pasi filluan të punonin përsëri siç duhet më 3 janar pa asnjë lloj përditësimi të software-it).
Ora verore në vitin 2024 filloi në mes të marsit, kështu që është e vështirë të thuhet nëse problemi lidhet me ndryshimin këtë herë. Nëse nuk jeni prekur nga defekti—të paktën deri më tani duket se një numër i vogël përdoruesish janë të prekur—mund ta përdorni këtë artikull si një justifikim kur të jeni vonë për në punë.
