Infinix sapo ka prezantuar në MWC 2025 smartphone-in mini Zero, një pajisje që ka madhësinë e një karte kur është e palosur si dhe me aftësinë për t’u fiksuar në pozicione të ndryshme, duke e bërë tepër praktik.
E projektuar me 2 mentesha për palosjen e 3 pjesëve të smartphone-it, pajisja koncept është unike në krahasim me pajisjet e tjera të palosshme, pasi mund të paloset dhe të shpaloset vetë vertikalisht, jo horizontalisht.
Kur mbyllet, përdoruesit mund ta fiksojnë pajisjen e palosshme dhe të lëvizshme në veshjet e palestrës dhe biçikletës, në mënyrë që të mund të gjurmojnë stërvitjen e tyre, ose t’i kapin ato në çantat e shpinës për regjistrime ndërkohë që eksplorojnë. Menteshat e dyfishta mundëson mënyra të ndryshme përdorimi të mini Zero, në varësi të nevojës së tyre.
Deri më tani, projekti është ende një koncept, dhe Infinix ende nuk ka njoftuar nëse është duke u përgatitur për të prodhuar smartphone-in e palosshëm dhe portativ në masë. Ajo që Infinix mund të ndajë aktualisht është se telefoni inteligjent i palosshëm dhe portativ Zero mund të qëndrojë vertikalisht për të mundësuar shikimin e filmave apo kryerjen e video-telefonatave pa u mbajtur në dorë.
Ajo vjen me një rrip shtesë, në mënyrë që përdoruesit të mund ta sigurojnë ose ta lidhin atë me objekte të ndryshme. Falë menteshave të dyfishta, kjo pajisje mund të funksionojë si një kamera për makinën tuaj dhe t’i lejojë përdoruesit të regjistrojnë dhe të monitorojnë aksidentet rrugore.
Deri më tani, kompania thotë se pajisja ofron një modalitet me ekran të dyfishtë. Kur përdoruesi palos gjysmën e parë, ai mund të përdorë dy ekranet për aplikacione ose skeda të ndryshme. Menteshat e dyfishta gjithashtu i lejojnë përdoruesit ta palosin telefonin inteligjent dhe portativ në për të shkrepur fotografi edhe selfie.
