HMD, një kompani që ka shitur ekskluzivisht telefona nën emrin e markës Nokia për shtatë vitet e fundit, ka njoftuar planet për të nxjerrë në treg një telefon të palosshëm Barbie këtë korrik në partneritet me Mattel. Kjo gjë u bë e ditur gjatë eventit MWC në Barcelonë, ku Geek Room dhe Neptun janë të pranishëm për të informuar ndjekësit me inovacionet më të reja teknologjike.
Është një nga disa pajisje që HMD ka si qëllim të ofrojë në treg këtë verë, së bashku me një telefon të ri retro Nokia si modelet Nokia 3310 dhe 8110 dhe një smartphone të markës HMD. Më në fund, kompania ka njoftuar gjithashtu planet e hershme për një platformë të re zhvillimi që po e quan “HMD Fusion“. Asnjë çmim, specifikim ose veçori nuk u njoftuan për telefonin Barbie, por pritet që ai të jetë një telefon tradicional i palosshëm, dhe jo një smartphone.
:format(webp)/cdn.vox-cdn.com/uploads/chorus_asset/file/25303140/BarbieFlipPhoneCloseUp2.jpg)
Në një intervistë, drejtuesi i lartë i marketingut në HMD, Adam Ferguson, konfirmon se do të jetë një pajisje krejtësisht e re. Bashkëpunimi është një zgjatje e planeve të shpallura për herë të parë në shtator, në të cilat kompania finlandeze (Human Mobile Devices) tha se planifikonte të largohej nga prodhimi ekskluziv i produkteve të markës Nokia. HMD kërkon të prezantojë disa pajisje nën emrin e vet, si dhe bashkëpunimi me “partnerët e rinj emocionues“. Mattel është partneri i parë i tillë, por Ferguson thotë se nuk do të jetë i fundit.
Për të gjithë personat që dëshirojnë të modifikojnë vetë smartphone-in e tyre, HMD ka si qëllim të prezantojë së shpejti një platformë të tillë “bëje vetë”.
