Kufjet mbi vesh nga Apple ka kohë që diskutohen tashmë. Dhe ndërsa i afrohemi eventeve të kompanisë detaje të tjera rreth tyre dalin në sipërfaqje.
AirPods kaq të dashura nga publiku kanë një funksion kaq të dobishëm, i cili kupton nëse i hoqe kufjet nga veshi dhe ndalojnë këngën që ishe duke dëgjuar. AirPods Studio (kështu flitet se do të quhen) do të kenë një funksion i cili do të kuptojë nëse i ke në kokë apo varur në qafë dhe në rastin e dyte, kufjet do të rrinë ndezur por muzika do të ndalojë.
Një tjetër sensor do të jetë në gjendje të dallojë veshin e majtë apo të djathtë dhe do të ndërrojë automatikisht kanalet e audios. Pra nuk do të ketë mbarë apo mbrapsht me këtë aparat.
Poashtu njejtë si AirPods Pro, kufjet e reja do të kenë Active Noise Cancellation dhe Transparency Mode për të kaluar nga njëra tek tjetra për të zgjedhur sa interaksion do të kesh me zhurmat e botës jashtë.
AirPods Studio nga vetë emri do të synojnë përdorimin profesional, lidhja me një Mac apo aparat iOS do të japë akses në profile audio të paracaktuara, si dhe specifika të tjera.
Besohet se do të vijnë në dy versione, lëkurë dhe materiale të buta, dhe ndoshta edhe jastëk të lëvizshëm me magnet.
Sa për çmimin dyshimet e para flasin për $349.
