Leica është një kompani shumë e njohur për kamerat që prodhon, mirëpo gjatë kohëve të fundit ajo është përfshirë dhe në tregun e smartphone-ve Android. Arsyeja se përse ju nuk mund të keni dëgjuar rreth këtij smartphone-i është sepse ai shitet kryesisht në Japoni dhe nuk është i pranishëm në vendet e tjera.
Për të fuqizuar smartphone-in më të ri Leica Leitz Phone 2 gjenden Sharp Aquos R7 dhe Snapdragon 8 Gen 1 të shoqëruar me 12GB RAM. Ekrani i përdorur është Sharp IGZO OLED me rezolucion 2,739x 1,260 dhe refresh rate 120Hz. Mirëpo pjesa kryesore e këtij smartphone-i është padyshim kamera.
Leica Leitz Phone 2 ka një sensor 47.2MP me një lente ekuivalente të atyre 35mm, mund të shkrepë fotografi në JPEG apo RAW dhe ofron 3 opsione fotografish bokeh të bazuara në lentet ikonike Leica M. Në seksionin e kameras do të jenë të pranishme një grup modalitetesh ngjyrash nga Leica, madje ju do të mund të informoheni për secilin vend ku ndodheni se kur do të jetë “golden hour”, në mënyrë që të shkrepni fotografitë perfekte.
Për të mbrojtur kameran, Leica ka të përfshirë një kapak magnetik që vendoset lehtësisht pas kameras masive.
Leica Leitz Phone 2 do të dalë në shitje në Japoni gjatë kësaj jave për një çmim rreth $1,580. Për të parë specifikat e plota klikoni këtu.
