Qualcomm ka prezantuar zyrtarisht proçesorin e ri Snapdragon 888 gjatë samitit të përvitshëm të teknoglogjive të veta. Të shohësh këtë çip të ri do të thotë të shohësh çfarë do të jenë të aftë të bëjnë Androidët kryesorë të gjeneratës së ardhshme si Samsung Galaxy S21 dhe të tjerët nga OnePlus, LG, Sony etj.
Produkti më i fundit nga seria 8 do të sjellë përmirësime së pari në 5G, pasi më në fund modemi i kësaj lidhje wireless është i integruar në çip e jo jashtë tij si serinë e shkuar. mmWave dhe sub-6GHz të përfshira në proçesorin e ri me arkitekturë 5nm e cila ofron menaxhim më të mirë të energjisë.
Mes shumë avancimeve të tjera Snapdragon do të sjellë një motorr AI të gjeneratës së gjashtë të dedikuar për detyrat e inteligjencës artificiale. Kjo duhet të sjellë një kapërcim të ndjeshëm në të gjitha detyrat AI.
E së fundmi edhe sektori i kameras sjell përparime, siç është aftëisa për të shkrepur 120 fotografi në sekondë në rezolucion 12MP, kjo falë ISP të përditësuar në 35% më e shpejtë.
Gjithçka e shkruar në letër tingëllon bukur, mbetemi në pritje të zbatimeve të para.
