Apple ka qenë gjithmonë kundër lejimit të përdoruesve të iPhone që të instalojnë aplikacione jashtë App Store në iPhone. Google i lejon përdoruesit e Android ta bëjnë këtë, por Apple arsyeton se duke mos lejuar instalimin e aplikacioneve që gjenden jashtë App Store mund të përmbajnë malware ose probleme të tjera që cënojnë sigurinë e përdoruesve, dhe meqenëse Apple nuk mund të kontrollojë aplikacionet që nuk janë shkarkuar nga App Store, beson se është më mirë që thjesht të mos lejohet.
Një arsye tjetër pse Apple nuk dëshiron të lejojë sideloading në iPhone është të parandalojë zhvilluesit që të listojnë aplikacionet e tyre iOS në një dyqan aplikacionesh të palëve të treta si një mënyrë për të shmangur pagesën e Apple deri në 30% të të ardhurave të gjeneruara brenda aplikacionit. Meqenëse App Store është i vetmi dyqan zyrtar në iOS, nuk ka asnjë mënyrë për t’i shpëtuar “Taksës së Apple“.
Megjithatë problemet nisën për Apple në Bashkimin Evropian pas miratimit të Aktit të Tregjeve dixhitale (DMA). DMA thotë se përdoruesit e pajisjeve celulare duhet të jenë në gjendje të instalojnë aplikacione nga dyqanet e palëve të treta. Në fillim të këtij viti, një person i brendshëm në Apple tha se Apple do të lejonte sideloading, por vetëm në 27 vendet që janë anëtare të BE-së, të cilat do të kufizonin çdo dëm të shkaktuar nga aplikacionet me qëllim të keq.
Në këtë mënyrë Apple do të sigurojë disa të dhëna nga jeta reale për të parë nëse duhet të lejojë ngarkimin anësor dhe dyqanet e tjera. 9to5Mac ka zbuluar se iOS 17.2 beta përmban një kod të brendshëm që do t’u jepte aplikacioneve të palëve të treta leje për të instaluar aplikacione të tjera. Me këtë aftësi, zhvilluesit do të jenë në gjendje të krijojnë dyqanin e tyre të aplikacioneve në iOS. Kodi ka gjithashtu një bllokues rajonal që do t’i lejonte Apple të kufizojë sideloading në vende të veçanta.
