Versioni i ri i sistemit operativ të iPhone, iOS 18, do të mbërrijë zyrtarisht më 16 shtator, njoftoi Apple në eventin e saj të fundit ku u lançua seria e re e smartphone-ve, seria e 10-të e Apple Ëatch dhe AirPods të rinj.
Siç u njoftua më parë në WWDC 2024, iOS 18 prezanton një mori shërbimesh të reja. Ndër pikat kryesore janë një sërë opsionesh personalizimi. Karakteristika të tjera përfshijnë efekte të reja teksti, aftësinë për të kyçur dhe fshehur aplikacionet, mënyra të reja për të menaxhuar inbox në Mail, prezantimin e iMessages përmes satelitit, një ridizajnim të rëndësishëm të aplikacionit Photos dhe më shumë. Tani për tani, ju mund të testoni përditësimet përmes versionit beta publik të iOS 18, megjithëse duhet të keni parasysh dhe praninë e bugs që vijnë me softuerin ende në testim.
Këto do të jenë pajisjet që do të përditësohen në iOS 18:
- iPhone 16
- iPhone 16 Plus
- iPhone 16 Pro
- iPhone 16 Pro Max
- iPhone 15
- iPhone 15 Plus
- iPhone 15 Pro
- iPhone 15 Pro Max
- iPhone 14
- iPhone 14 Plus
- iPhone 14 Pro
- iPhone 14 Pro Max
- iPhone 13
- iPhone 13 mini
- iPhone 13 Pro
- iPhone 13 Pro Max
- iPhone 12
- iPhone 12 mini
- iPhone 12 Pro
- iPhone 12 Pro Max
- iPhone 11
- iPhone 11 Pro
- iPhone 11 Pro Max
- iPhone XS
- iPhone XS Max
- iPhone XR
- iPhone SE (gjenerata e dytë ose më të rinj)
Cilat pajisje do të mbështesin Apple Intelligence?
Apple Intelligence është shërbimi më i ri i inteligjencës artificiale që ofrohet nga Apple, e cila do të integrohet në shumicën e aplikacioneve të Apple. Ai i mundëson iPhone tuaj të kryejë veprime të caktuara, si p.sh. të ndihmojë në hartimin e emaileve dhe t’u përgjigjet mesazheve me tekst me “Përgjigjet inteligjente”.
Ju do të përfitoni sa më shumë nga veçoritë e Inteligjencave të Apple me serinë e iPhone 16, për të cilat CEO Tim Cook tha se ishin krijuar posaçërisht për këtë teknologji, si dhe modelet Pro të iPhone 15. Do të jetë gjithashtu i disponueshëm në pajisjet iPad dhe Mac me M1 dhe më vonë. Apple Intelligence do të jetë në dispozicion në beta këtë vjeshtë.
