Samsung ende nuk ka nisur regjistrimet në programin One UI 6.0 beta, megjithatë pritet që ky program të nisë në korrik të këtij viti. Dhe pse ne nuk dimë shumë informacione rreth versionit të ri të sistemit operativ, do të përmendim më poshtë një listë me smartphone-t Samsung që pritet të update-ohen në One UI 6.0.
Meqë Samsung e ka bërë politikën e update-imit më transparente, është më e thjeshtë që të kuptosh se cilët smartphone do të operojnë në verisonin e ri të sistemit operativ.
Për shembull, që nga prezantimi i serisë Galaxy S21, Samsung ka bërë të ditur se do të ofrojë 4 OS updates dhe 5 vite mbështetje me përmirësime sigurie. Pra është e sigurt që seria Galaxy S21 (S22 dhe S23 gjithashtu) dhe Galaxy Z Fold3/4 dhe Flip 3/4 do të pajisen me update-in e ri.
Smartphone-t midrange A73, A72, A53, A52, A34, A33, A24, A14, A13 dhe A04 supozohet gjithashtu që të përfitojnë nga OS i ri. Në këtë listë kualifikohen dhe Galaxy M54, M53 5G, M33 5G, M23, Galaxy F54, F23 dhe F14 5G, Galaxy Xcover 6 Pro dhe seria Galaxy Tab S8.
