Gjatë vitit 2022 janë prezantuar shumë smartphone kualitativë. Segmenti i pajisjeve high-end ka qenë i tejmbushur me kompanitë si Apple, Samsung dhe Google që prezantuan serinë e iPhone 14, Galaxy S22 apo Pixel 7.
Megjithatë ne po prisnim që të prezantoheshin akoma më tepër alterantiva të smartphone-ve high-end, të cilat për fat të keq nuk erdhën gjatë këtij viti. Lexoni më poshtë për të parë një listë me këto smartphone që nuk u prezantuan.
iPhone 14 Mini
Apple testoi këtë model në vitin 2020 dhe 2021, por për shkak të performancës së dobët të këtij modeli, kompania u detyrua ta zëvëndësonte me iPhone 14 Plus. Megjithatë duket se një zëvëndësim i tillë nuk ka qenë aq i nevojshëm, pasi dhe modeli 14 Plus nuk ka performuar ashtu siç pritej, kryesisht për shkak se kushton vetëm $100 më pak se modeli Pro.
Samsung Galaxy S22 FE
Samsung Galaxy S20 FE u vlerësua shumë në 2020 pasi ishte me të vërtetë një flagship me çmim mjaft konkurues. Megjithatë Galaxy S21 FE nuk ndoqi hapat e paraardhësit, kryesisht për shkak të vonesës në prezantim, në të njejtën kohë kur u prezantua dhe seria S22. Deri më tani nuk ka patur asnjë detaj të publikuar rreth S22 FE, gjë që tregon se ky produkt nuk ekziston.
OnePlus 10
OnePlus 10 Pro u lançua në Kinë në 2022, dhe u desh pak kohë deri sa ky smartphone të vinte drejt përdoruesve të tjerë në botë. Pritej që kur të bëhej lançimi global, OnePlus të prezantonte dhe modelin bazë OnePlus 10, gjë që nuk u bë asnjëherë. Kompania prezantoi OnePlus 10T në gjysmën e dytë të vitit.
Microsoft Surface Duo 3
Dhe pse prezantimi për herë të parë në 2020 i Microsoft Surface Duo ishte një dështim i qartë, kompania nuk u dorëzua dhe solli më vonë një tjetër pajisje të përmirësuar. Mirëpo për fat të keq numri i shërbimeve të ofruara nuk u barazua asnjëherë me çmimin e pajustifikuar të pajisjes, gjë që detyroi Microsoft të shmangë një lançim në vitin 2022. Megjithatë pritet që Surface Duo 3 të vijë gjatë vitit të ardhshëm.
