Kur Apple lançoi serinë e re të smartphone-ve iPhone 13, një ndër shërbimet e shtuara nga modelet Pro ishte dhe macro photography mode, që ju lejon të shkrepni fotografi shumë pranë objekteve të ndryshme.
Për të festuar praninë e këtij shërbimi, Apple ka hapur një konkurs të ri Shot on iPhone të fokusuar vetëm në fotografitë macro. Paneli i jurisë përbëhej nga një miksim midis punonjësve të Apple dhe disa fotografëve dhe detyra e tyre ishte të përzgjidhnin 10 fotografitë më të mira, të cilat më pas u listuan në website-in e Apple.
Personat me fotografitë më të bukura macro nuk ishin të gjithë fotografë, pasi disa prej tyre ishin sërfistë, studentë apo inxhinierë të cilët jetonin në SHBA, Kinë, Hungari, Indi, Itali, Spanjë, Tailandë dhe Argjentinë.
Më poshtë do të gjeni të gjitha fotografitë e përzgjedhura nga juria e Apple. Disa prej tyre mund të përdoren mjaft mirë dhe si wallpaper nga ju.
Ashley Lee, fotografe. Fotoja titullohet “Strawberry in Soda” (Luleshtrydhe në pije të gazuar)
Marco Colleta, student inxhinierie. Fotoja titullohet “The Cave” (Shpella)
Daniel Olah, fotograf. Fotoja titullohet “A Drop of Freedom” (Një pikë lirie)
Jirasak Panpiansin, “Hidden Gem” (Perla e fshehur)
Prajwal Chouglue, “Art in Nature” (Arti në natyrë)
Guido Cassanelli, “Sea Glass” (Qelq deti)
Trevor Collins, “Leaf Illumination” (Ndriçimi i gjethes)
Abhik Mondal, “Volcanic Lava” (Llava vullkanike)
Tom Reeves, “Honeycomb” (Hoje mjalti)
Hojisan, “Final Bloom” (Lulëzimi përfundimtar)
