Ndërsa më shumë detaje mbi serinë iPhone 17 publikohen çdo ditë, imazhet më të fundit të zbuluara ilustrojnë disa nga ndryshimet më të rëndësishme të dizajnit në telefonat inteligjentë të ardhshëm të Apple.
Raportuesi i Apple, Sonny Dickson, ka siguruar disa imazhe ekskluzive që nxjerrin në pah dizajnin e iPhone 17, iPhone 17 Air, iPhone 17 Pro dhe iPhone 17 Pro Max. Apple pritet të prezantojë serinë e re në fillim të shtatorit 2025, por disa nga ndryshimet kryesore mund të shikohen mjaft qartë në këto fotografi.
Dizajni i iPhone 17
Imazhet e Dickson shfaqin disa njësi metalike të përpunuara të cilat i jepen prodhuesve të aksesorëve para prezantimit të një smartphone-i. Në këtë mënyrë, kasat mbrojtëse dhe aksesorët e tjerë mund të dizenjohen rreth dimensioneve të sakta të pajisjes dhe butonave individualë. Ndërsa ata nuk do të tregojnë për përmirësimet e softuerit, ato na japin një pamje të qartë të dizajnit së përditësuar të iPhone 17.
Siç mund ta shikoni, ishulli i kamerave tashmë do të zgjerohet horizontalisht duke zënë një pjesë të madhe të xhamit të pasmë. Si ju duket ky ndryshim?
Të katër modelet kanë të njëjtat butona fizikë, përfshirë butonin Capture të prezantuar vitin e kaluar. Butoni i programueshëm i veprimit mund të shihet së bashku me butonat e volumit dhe të energjisë.
Nga modelet e shfaqura, ne mund të shohim iPhone 17 Air të ri, i cili me të vërtetë është i hollë, por shiriti horizontal i kameras duket që do të jetë shumë i dalë nga trupi i pajisjes. Gjithashtu kjo njësi metalike tregon se në iPhone 17 Air kamera selfie dhe sensorët për Face ID do të ndërrojnë pozicionet me njëri tjetrin. Kjo është pa dyshim për shkak të hapësirës së nevojshme për të akomoduar teknologjinë brenda pajisjes.
