March 23, 2023

iPhone-t e rinj ju lejojnë të masni gjatësinë e një personi në kohë reale

iPhone-t e rinj ju lejojnë të masni gjatësinë e një personi në kohë reale

Modelet iPhone 12 Pro, 12 Pro Max, 13 Pro, 13 Pro Max, 14 Pro dhe 14 Pro Max përfshijnë një skanues LiDAR pranë kameras së pasme e cila ka raste të ndryshme përdorimi, ndër të cilat është dhe matja e gjatësisë së një personi në mënyrë të menjëhershme nëpërmjet aplikacionit Measure.

Për të matur gjatësinë e një personi, mjafton të hapni aplikacionin Measure, të drejtoni smartphone-in tuaj drejt personit që dëshironi t’i masni gjatësinë, dhe të siguroheni se në kamera keni një pamje të plotë nga koka tek këmbët të personit.

Gjatësia mund të shfaqet në njësi të ndryshme matëse, inç apo centimetra. Për të ndryshuar njësinë matëse duhet të shkoni në aplikacionin Settings > Measure > Measure Units.

ff3c077c13cf0a94f693118489729ddb.png

Aplikacioni bën të mundur matjen e gjatësisë së një personi nga dyshemeja deri tek koka e tij, flokët apo kapelja. Madje ju mund të masni dhe gjatësinë e një personi të ulur në karrige.

Butoni i rrumbullakët në pjesën e poshtme ju lejon të shkrepni një fotografi dhe ta ndani atë me miqtë tuaj.

Ky shërbim nuk është i pranishëm në iPhone-t pa një sensor LiDAR.

Sunday, 04 December 2022 00:50

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja (Editor in chief)
Bekim Haveriku 
Xhonald Mamo
Gisela Shabani