Apple pritet të prezantojë iPhone-in e ri me çmim të përballueshëm të quajtur iPhone SE 3 (ose iPhone SE 5G) gjatë muajit mars.
Ky iPhone do të jetë i update-uar me suportin për rrjetin 5G dhe pritet të vijë në të njejtën formë të trupit si iPhone 8. Apple do të sjellë këtë smartphone me përmirësime të tjera për sa i përket baterisë, e cila pritet të ketë një jetëgjatësi më të madhe se SE 2020, kamera të reja dhe proçesorin A15 Bionic.
Mirëpo lajmi më i mirë nga të gjithë vjen nga analisti John Donovan, i cili spekulon se iPhone SE 5G do të vijë me një çmim akoma dhe më të lirë, ku versioni bazë do të shitet për vetëm $300. Sigurisht ky është vetëm një spekulim, dhe spekulimet përforcohen duke marrë parasysh se Apple po bën përmirësime të mëdha në këtë smartphone. Nga ana tjetër analisti Daniel Ives mendon se Apple do të ruajë çmimin fillestar prej $399 të kësaj pajisje.
Për të arritur një çmim sa më të lirë, iPhone SE i duhet të bëjë disa sakrifica, të cilat janë bërë më tepër në pjesën e dizajnit dhe mospërfshirjes së teknologjisë MagSafe.
Në datën 8 mars pritet të mësojmë më tepër rreth këtij produkti.
