Pothuajse 1 muaj pas prezantimit në Kinë, Honor do të lançojë në tregun ndërkombëtar smartphone-in Honor 90. Dhe pse ky smartphone fuqizohet nga një proçesor midrange Snapdragon 7 Gen 1 dhe vjen me një çmim prej €549, është e rëndësishme të përmendim që ka të integruar një kamera kryesore me rezolucion 200MP, i njejti rezolucion që gjendent dhe në kamerën e Samsung Galaxy S23 Ultra.
Është e vërtetë që numri i madh i megapixels nuk ka një lidhje të drejtëpërdrejtë me performancën e kameras, duhet të dimë që në kushtet e duhura ju mund të arrini të shkrepni fotografi mjaft të qarta me këtë kamera. Software i Honor shpesh herë i bën fotografitë të duken të ndritshme dhe plot ngjyra të ndezura.
Në këtë smartphone gjenden dhe 3 kamera të tjera: një ultrawide 12MP që funksionon dhe si një macro, sensori depth 2MP, si dhe kamera selfie 50MP në formën e hole punch.
Ekrani ka një madhësi 6,7 inç dhe refresh rate 120Hz, ndriçim maksimal 1600 nits si dhe rezolucion 2664 x 1200p. Në varësi të tregut ku do të shiten, Honor 90 do të vijë në ngjyrat jeshile, blu, e zezë ose e argjendtë.
Bateria ka një kapacitet 5,000mAh dhe Honor 90 mbështet karikimin e shpejtë 66W, që sipas kompanisë arrin të karikojë nga 0 në 45% në vetëm 15 minuta. Për fat të keq nuk ekziston mundësia për karikim wireless.
