Punojmë apo nuk punojmë nga shtëpia, të gjithë bëjmë videotelefonata për qëllime nga më të ndryshme. Gjatë këtyre telefonatave qarkullojmë me njëri tjetrin të dhëna me rendësi nga nivelet më të ndryshme.
Sot Zoom po ndalohet nga përdorimi për qëllime pune apo shkollimi pikërisht sepse dështoi të ofronte sigurinë e kërkuar..
Por mesa duket askush nuk është i sigurt nga sulmi i hackerave, pasi edhe vetë Apple po përballet me një problem ku e ku më serioz. Analisti i sigurisë Ryan Pickren ka publikuar së fundmi një raport mbi problemet e Safarit, ku hackerat e ndryshëm mund të mashtrojnë sistemin duke e bërë të besojë se e kanë marrë lejen për kamerën dhe mikrofonin nga vetë përdoruesi.
Mjafton që ti kesh dhënë këtë leje një webi si Skype dhe kaq u duhet hackerave të përgjojnë lirshëm çfarë thua dhe çfarë bën. Materiale të cilat mund të përdoren për qëllime nga më të errëtat.
Megjithatë Ryan thotë se këto pika të dobëta kanë qënë të pranishme në paketat e vjetra të sigurisë, të cilat pavarsisht update një pjesë mbeten në sistem, ndaj përdoruesit mund të kenë shpëtuar vetëm sepse keqbërësve nuk u ka shkuar në mendje të sulmojnë paketat e vjetra.
Ndaj këshilla e vetme në këtë rast është nëse nuk e ke përditësuar iPhone-in apo Mac-un tënd këtë muaj, bëje sa më shpejt.
