Ndërkohë që ne jemi në pritje të valës së re të produkteve nga seria A e Samsung, kompania ka lançuar një produkt të ri të quajtur Galaxy F23 në Indi.
Galaxy F23 ofron shërbime mjaft të mira për çmimin, si përshembull ekrani 6.6 inç FHD+ që vjen me një dewdrop notch dhe refresh rate 120Hz. Kjo pajisje fuqizohet nga proçesori Snapdragon 750G, dhe do të jetë smartphone-i i parë i linjës F që do të fuqizohet nga një proçesor Qualcomm. Ai do të shoqërohet nga 4 ose 6GB RAM dhe 128GB internal storage, së bashku me suportin për microSD card deri në 1TB.
Bateria do të ketë një kapacitet prej 5,000mAh dhe do të mund të karikohet përmes karikueses me shpejtësi 25W.
Në pjesën e pasme, në ishullin e kamerave gjenden 3 të tilla: një kryesore 50MP, ultrawide 8MP dhe macro 2MP. Kamera selfie nga ana tjetër ka rezolucion 8MP dhe një kënd të gjerë 123 gradë.
Pajisja do të vijë me versionin më të ri të One UI 4.1 të mbështetur në Android 12 dhe kompania tregon se do të ofrojë 2 vite mbështetje me software updates dhe 4 vite më security updates për këtë pajisje.
Për fat të Galaxy F23 do të prezantohet vetëm në tregun indian në ngjyrat Aqua Blue dhe Forest Green për vetëm $195.
