Prej disa kohësh kanë qarkulluar raportime se Samsung është gati të prezantojë serinë e re të smartphone-ve Galaxy A, dhe një konfirmim i tillë vjen dhe nga leaker-i i njohur Evan Blass. Ai tregon se ky event, i quajtur “Galaxy A Event” do të organizohet në datën 17 mars dhe gjatë tij do të prezantohen Galaxy A73, A53 dhe A33.
— Ev (@evleaks) March 11, 2022
Besohet se këto smartphone do të kenë pakashumë të njejtat specifika me paraardhësit e tyre, por do të pajisen me proçesorë të rinj.
Galaxy A73 pritet të ketë një ekran 6.7 inç AMOLED me kamera punch-hole në qendër, refresh rate 120Hz nga 90Hz të paraardhësit dhe sensorin e shenjës së gishtit nën ekran. Proçesori që do të fuqizojë këtë smartphone do të jetë Snapdragon 778G. Në këtë mënyrë sigurohet dhe suporti për rrjetin 5G.
Në pjesën e pasme do të gjenden kamera kryesore 64MP, ajo ultrawide 12MP, kamera telephoto dhe depth sensor 5MP. Bateria do të ketë kapacitet 5,000mAh dhe do të karikohet me shpejtësinë 25W.
Galaxy A53 do të ruajë të njejtin ekran si paraardhësi me madhësi 6.5 inç, por do të ketë bateri 500mAh më të madhe me kapacitet total 5,000mAh. Besohet se ky smartphone do të fuqizohet nga një proçesor midrange 5nm Exynos.
Galaxy A33 mund të fuqizohet nga Exynos 1280 ose nga MediaTek Dimensity 720. Bashkë me proçesorin më të shpejtë, pajisja e këtij viti do të jetë rezistente ndaj ujit dhe pluhurit me çertifikim IP67 dhe do të ketë shpejtësi karikimi 25W.
