MacRumors ka arritur të sigurojë një memo të brendshme të kompanisë ku tregohet se dyqanet Apple dhe të gjithë dyqanet e tjera të autorizuara nga kompania do të nisin tashmë mohimin e shërbimit kur një iPhone i raportuar si i humbur në GSMA Device Registry rikthehet në këto dyqane për t’u riparuar.
Tashmë, nëse një teknik i Apple shikon një mesazh në sistemet e brendshme MobileGenius apo GSX që tregon se kjo pajisje është raportuar si e humbur, ai duhet të refuzojë riparimin e këtij iPhone-i. Këto janë instruksionet e dhëna nga memo e Apple e shpërndarë gjatë ditës së hënë.
Qëllimi i kësaj politike të re është ulja e numrit të iPhone-ve të vjedhur që rikthehen në dyqanet e Apple për t’u riparuar.
GSMA Device Registry është një databazë globale e dizenjuar për përdoruesit të cilët mund të raportojnë pajisjen e tyre si të humbur apo të vjedhur.
Dyqane Apple dhe ato të autorizuara prej kohësh nuk i ofrojnë shërbime iPhone-ve nëse përdoruesi i tyre nuk mund të çaktivizojë Find My iPhone, dhe me vendosjen e kësaj politike të re do të parandalohet riparimi i iPhone-ve të humbur që nuk e kanë patur asnjëherë të aktivizuar Find My iPhone.
