Normalisht është shumë e lehtë të zëvendësosh iPhone-in tënd të prishur në Apple sipas planit tënd AppleCare, por dy vëllezër gjetën një mënyrë për të mashtruar sistemin duke shkëmbyer pajisjet e falsifikuara me ato reale.
Fatkeqësisht për ta, ata u kapën në vitin 2019 duke u përpjekur të shkëmbenin 10,000 produkte të rreme të Apple gjatë tetë viteve, dhe këtë javë, ata janë dënuar me burg federal, raporton Times of San Diego. Banorët e San Diegos Zhimin dhe Zhiting Liao përfituan produkte origjinale të Apple me vlerë $6.1 milionë (iPhone dhe iPad), që më pas i eksportuan te blerësit në vendet e huaja.
Vëllezërit u dënuan me 41 muaj burgim federal. Ky dënim ishte pjesë e një marrëveshjeje për pranimin e fajësisë që përfshin konfiskimin e pesë rezidencave në San Diego, $250,000 dollarë që fituan nga skema dhe 200 iPhone të përfshirë në skemë. Bashkëshortët e vëllezërve u deklaruan fajtorë edhe për përfshirjen e tyre dhe u dënuan me tre vjet provë.
Ndërkohë, një vëlla i tretë, Zhiwei Liao, do të përballet me dënimin në fund të këtij muaji. Tetë bashkëpunëtorë të tjerë gjithashtu u deklaruan fajtorë.
Sipas Times of San Diego, prokurorët thanë se Zhimin Liao kishte vizituar personalisht 105 Apple Stores në 22 shtete për të provuar dhe shkëmbyer rreth 720 iPhone dhe iPad të rremë. Kërkimi i Zhiting Liao përfshinte rreth 718 përpjekje për shkëmbim pajisjesh në të paktën 200 Apple Stores në 18 shtete të SHBA dhe Kanada.
