Data e lançimit të Samsung Galaxy S22 nuk është akoma zyrtare, por një leaker i njohur beson se data e organizimit të eventit Samsung Galaxy Unpacked 2022 do të jetë 9 shkurti.
@iceuniverse publikoi në adresën e tij në Weibo se Samsung është gati të prezantojë linjën e re të smartphoneve Galaxy S22 dhe atë të tabletëve Galaxy Tab S8 në të njejtën ditë. Raportimet e mëparshme sugjeronin datën 8 ose 9 shkurt për organizimin e eventit, prandaj kjo gjë mund të jetë e vërtetë.
“Në 23:00 në 9 shkurt, seria e Samsung Galaxy S22 dhe tabletët Tab S8 do të prezantohen.” shkruajti @iceuniverse në postimin e tij. Në Shqipëri ora e transmetimit të këtij eventi besohet të jetë në orën 16:00.
Edhe nëse data 9 nuk është data e organizimit të këtij eventi, është e qartë se jemi fare pranë prezantimit të serisë së re të smartphone-ve flagship nga Samsung. Të gjithë smartphone-t në këtë seri pritet të fuqizohen nga proçesorët Exynos 2200 dhe Snapdragon 8 Gen 1, të kenë përmirësime në kamera dhe të ofrojnë zmadhim optik më të madh në S22 Plus dhe S22 Ultra.
Galaxy Tab S8 pritet të vijë me një proçesor më të ri, Snapdragon 888 ose Snapdragon 8 Gen 1, bashkë me përmirësime në software mbi funksionalitetin e multitasking. Me shumë mundësi do të prezantohen 3 modele, Galaxy Tab S8, bashkë me Tab S8 Plus dhe Tab S8 Ultra. Interesant është fakti se modeli Ultra do të vijë me një ekran 14.6 inç dhe një notch.
