Seria më e re e smartphone-ve flagship Samsung Galaxy S22 vijnë me disa përmirësime mjaft të mira, sidomos për sa i përket kamerave. Përveç shërbimeve “profesionale” si Expert RAW, të cilat kërkojnë disa njohuri pak më të avancuara në fotografim, Samsung ofron dhe shërbimin Nightography që lejon përdoruesit e Galaxy S22 Ultra të shkrepin fotografi të mahnitshme, kur ju nuk jeni në kushtet perfekte të ndriçimit.
Si lindi nevoja për shërbimin Nightography?
Gjatë kohëve të fundit kemi parë një përmirësim të jashtëzakonshëm në sektorin e kamerave nga të gjitha kompanitë që prodhojnë smartphone, madje këto pajisje mund të përdoren mjaft mirë dhe për të prodhuar video profesionale.
Mirëpo një ndër fushat më pak të avancuara ishte shkrepja e fotografive gjatë natës, ku ndriçimi mungon. Shpesh herë dhe nëse ju do të përdornit një burim drite të vogël, sërisht fotografitë nuk do të ishin të një cilësie të lartë.
Prandaj Samsung ka krijuar Nightography, shërbimi i avancuar për fotografimin gjatë natës. Në serinë Galaxy S22 kemi fotografi gjatë natës 23% më të mira se sa me Galaxy S21 të vitit të kaluar.
Falë sasisë më të madhe të pixel-ave dhe sensorëve me proçesim të avancuar AI të cilësisë së lartë, kamerat e Galaxy S22 janë në gjendje të grumbullojnë 4 herë më tepër të dhëna se më parë duke gjeneruar një fotografi tepër kualitative.
Përmes kombinimit të fuqishëm të software-it dhe hardware-it në serinë Galaxy S22 eksperienca e shkrepjes së fotografive në ndriçim të ulët është përmirësuar ndjeshëm.
Si të përdorim Nightography në Samsung Galaxy S22 Ultra
- Fillimisht, në listën me shooting modes klikoni në MORE > NIGHT
- Nëse ju e vendosni kohën në cepin e djathtë të ekranit në maksimum, atëherë do të gjeneroni fotografi me kualitet më të lartë.
- Shkrepni fotografinë tuaj dhe mbajeni pajisjen në të njejtin pozicion deri sa të përfundojë shkrepja.
Këshillë: Nëse ju do të përdorni një tripod gjatë përdorimit të shërbimit Nightography mund të përfitoni rezultate akoma më të mira.
Ditën apo natën ju mund të shkrepni foto unike me serinë e re Samsung Galaxy S22, e cila tashmë është e disponueshme edhe në Shqipëri. Për më shumë informacion, vizitoni: https://www.samsung.com/al/
