Kohë të errëta për njerzimin, por jo për teknologjinë e përditshme. Shitjet e smartphonëve shohin vetëm rritje, dhe inovacioni nuk e bëri pushim këtë vit. Duke parë tendencat e situatën aktuale ja çfarë pritet të ndodhë me smartphonët në 2021.
Smartphonët e palosshëm bëhen më të lirë.
Pas disa tentativave të dobëta, prodhuesit arritën të sjellin ekrane që palosen e nuk prishen brenda pak muajve përdorim. Samsung në krye e Huawei me Xiaomi të dedikuara, premtojnë produkte të tjera të fushës. Përveç teknologjive të reja, premtohet edhe ulje e çmimeve ndërsa prodhimi bëhet më i lirë dhe tregu më i sigurtë.
Zoom–i i kamerave.
Aftësitë e forta të zmadhimit të imazhit pa e humbur cilësinë janë duke u testuar në vazhdim. Rritja e zmadhimit vjen duke rritur distancën fizike midis lenteve, por gjithë ajo hapësirë nuk mund të futet në një smartphone që duhet të jetë i hollë. Zgjidhja periskopike me lenten pozicionuar anash dhe një pasqyrë reflekton objektivin është alternativë kreative ng Samsung tek Galaxy S 20 Ultra. Përflitet që edhe iPhone 13 do t’a ketë një të tillë.
5G bëhet më e mirë.
Pritej që ky të ishte viti i 5G, gati çdo flagship erdhi i pajisur me një formë antene të tillë. Por studimi tregon se rrjetet nuk arritën të ofronin shpejtësi më të mëdha se 4G përgjithësisht. Kjo sepse i frastruktura nuk pati kohë të fuqizohej si duhet në 2020, pandemia vonoi shumë hapa, por edhe teknologjia e përditshme ka nevojë për rinovim. Rrjetet e antenave, modemat dhe smartphonët kanë nevojë për bashkëpunim që të funksionojë në idalin e synuar prej rreth 10GB shpejtësi në sekondë.
Teknologjia wideband.
Vitet e fundit Apple ka shtuar një çip në smartphonët e vetë, të aftë për të njohur njeri tjetrin shumë shpejtë. Kjo përkthehet në lidhje më të sakta deri në milimetra saktësi e aq të sigurta sa BMW Seria 5 përdor smartphonin për çelës. Në një botë e cila synon të lidhë të gjitha pajisjet elektronike, t’i bëjë inteligjente e të komunikueshme me njëra tjetrën, do shohim dyer garazhi që hapen vetë, e kondicionerë që ngrohin shpinë përpara se të arrish të gjitha prej smartphonit.
