Apple ka bërë të ditur se një bug në iOS 15 ka bërë që të regjistrohen ndërveprimet tuaja me Siri-n dhe nëse ju nuk e keni pranuar një gjë të tillë nga opsionet e smartphone-it. Ky bug mundësoi aktivizimin automatik të shërbimit “Improve Siri and Dictation” që i jep leje Apple të regjistrojë, të ruajë dhe të kontrollojë bisedat tuaja me Siri.
Kompania e gjeti praninë e këtij bug shumë shpejt pas prezantimit të iOS 15 dhe ndaloi kontrollimin e bisedave të regjistruara, duke i fshirë ato më pas. Pas vënies re të këtij problemi, kompania e çaktivizoi këtë shërbim për shumicën e përdoruesve me prezantimin e iOS 15.2.
ZDNEt tregon se kjo mund të jetë arsyeja se përse mund t’ju shfaqet një tabelë pas instalimit të versionit iOS 15.4 e cila ju kërkon leje për të përmirësuar shërbimin Siri & Dictation.
“Në iOS 15.2, ne çaktivizuam shërbimin Siri & Dictation për shumë përdorues të Siri ndërkohë që rregulluam një bug të prezantuar me iOS 15.” tha zëdhënësia e Apple, Catherine Franklin.
Ky bug duket të jetë tepër i rëndësishëm për t’u kaluar me vetëm një deklaratë të shkurtër të Apple, pasi kompania duhet të lajmërojë të gjithë përdoruesit e prekur nga ky bug. Përmes kësaj deklarate nuk arrihet të kuptohet se sa është numri i smartphone-ve të prekur nga ky bug.
Prandaj, nëse ju jeni përdorues të iPhone-ve, bëni mirë të update-oni në versionin më të ri për të shmangur këto probleme.
