Dhe pse publikimi i Apple Intelligence ishte një ngjarje e shumëpritur si nga fansat dhe nga kompania, tashmë krijuesi i iPhone ndihet i shqetësuar në lidhje me aftësitë e kësaj inteligjence artificiale.
Në një intervistë për The Wall Street Journal, Craig Federighi tha se kompania po synon të ofrojë mjete për modifikimin e imazheve të fuqizuara nga AI që ruajnë origjinalitetin e fotografive. “Produktet tona, telefonat tanë, përdoren shumë,” tha Federighi. “Është e rëndësishme për ne që të ndihmojmë në sigurimin e informacionit të saktë, jo fantazisë.”
iOS 18.1 sjell një shërbim të ri “Clean Up” në aplikacionin Photos që mund të eleminojë shpejt objektet dhe njerëzit nga imazhet – një aftësi që Federighi dhe reporterja e WSJ Joanna Stern vunë në dukje se është shumë më e moderuar sesa shërbimet e modifikimit të ofruara nga rivalët si Google dhe Samsung, të cilat ju lejojnë të shtoni asetet e krijuara nga AI në imazhe. Pavarësisht aftësive të kufizuara të Clean Up, Federighi tha se kishte pasur “shumë debate brenda kompanisë” për shtimin e këtij opsioni.
“A duam me të vërtetë ta bëjmë më të lehtë heqjen e asaj shishe uji apo atij mikrofon? Sepse ajo shishe uji ishte aty kur bëre foton,” tha Federighi pas një demonstrimi të “Clean Up” që përdoret për të hequr sendet nga sfondi i një imazhi. “Kërkesa për njerëzit që të duan të pastrojnë ato që duken si detaje të jashtme të fotos që nuk ndryshojnë rrënjësisht kuptimin e asaj që ndodhi ka qenë shumë e lartë, kështu që ne kemi qenë të gatshëm të bëjmë atë hap të vogël.”
Federighi tha se Apple është “i shqetësuar” për ndikimin e AI në mënyrën se si “njerëzit e shohin përmbajtjen fotografike si diçka në të cilën mund të mbështeten si tregues të realitetit“. Shërbimet e editimit si veçoria Reimagine e Google e bëjnë jashtëzakonisht të lehtë për një numër të madh përdoruesish që të shtojnë luanë apo bomba në foto duke përdorur asgjë tjetër veçse një përshkrim teksti, gjë që mund të ulë më tej besimin që njerëzit kanë në fotografi.
Aplikacionet AI që ofrojnë modifikimin e fotove, po gjenerojnë fotografi gjithnjë e më bindëse, edhe në rastet kur përdoren në mënyra të pahijshme, duke mashtruar njerëzit. Apple Intelligence nuk i lejon përdoruesit të shtojnë gjëra të reja të krijuara nga AI në imazhe siç bëjnë shërbimet konkurruese. Çdo imazh që është modifikuar duke përdorur veçorinë e re të heqjes së objekteve do të etiketohet gjithashtu si “Modified with Clean Up” në aplikacionin “Photos”.
