Deri më tani, mënyra e vetme për të provuar veçoritë e Apple Intelligence në një iPhone është përmes iPhone 15 Pro. E gjithë linja e iPhone 16 pritet të marrë veçoritë këtë vjeshtë, por “ju mund të vini bast gjithashtu” se iPhone SE, i cili do të vijë “në fillim të vitit 2025” do të përfitojë nga ky shërbim, thotë Mark Gurman i Bloomberg.
Nëse kjo është e vërtetë, mund të jetë shumë më e vështirë të mos zgjedhësh telefonin më të lirë të Apple. Ideja pas iPhone SE ka qenë që ju të merrni një iPhone të lirë, mjaft të fuqishëm që riciklonte një formë të vjetëruar të smartphone-ve (deri më tani ka përdorur formën e jashtme të iPhone 8).
Ka qenë gjithmonë shumë e qartë se është një opsion për të gjithë përdoruesit që duan një iPhone të ri por nuk duan të paguajnë një çmim të lartë. Por thashethemet kanë thënë prej disa kohësh se SE-ja e ardhshme do të përdorë trupin e iPhone 14, duke hequr më në fund pjesët ekstra pa ekran dhe butonin “home” të telefonave para-iPhone X të stilit iPhone 8, dhe madje mund të ketë një ekran 6.1 inç OLED.
Duke menduar se shërbimet e inteligjencës artificiale të Apple nuk mund të funksionojnë në iPhone 15 sepse nuk është mjaft i fuqishëm, duket sikur iPhone SE i ardhshëm do të jetë me i fuqishëm dhe me një ndjenjë mjaft moderne.
IPhone 16, i cili duhet të prezantohet së shpejti, pritet të ketë ende avantazhe të tjera, si kamera të dyfishta dhe action button të 15 Pro, të cilat nuk janë përfolur për iPhone SE. Por sa rëndësi kanë këto veçori për njerëzit e zakonshëm?
Nëse SE-ja e ardhshme duket si një iPhone 14, funksionon afërsisht njësoj si linja e iPhone 16 dhe ka një çmim si, e dini, të një iPhone SE, a do ta konsideronit ju si një opsion në vend që të blinit një model Pro?
