Një raportim i ri nga The Information pretendon se Apple po ridizenjon bateritë e iPhone për t’i bërë ato më të lehta për t’u zëvendësuar. Masa vjen si përgjigje ndaj rregulloreve të Bashkimit Evropian që kërkojnë nga prodhuesit e smartfonëve që të bëjnë bateritë lehtësisht të zëvendësueshme nga pronarët deri në vitin 2025.
Apple ka disa vite që po mendon për konsumatorët në hapësirën e vetë-riparimit. Njerëzit që zotërojnë iPhone mund të porosisin pjesë dhe për t’i zëvendësuar ato më vonë në telefonin e tyre, duke përfshirë ekranin dhe kamerat. Bateria është aktualisht sfiduese për t’u zëvendësuar në iPhone 15.
Ajo kërkon mjete të posaçme, duke përfshirë një “battery press”, e cila është një makinë e specializuar. Gjithashtu është ngjitur në telefon me shirita ngjitës që duhen hequr me kujdes me piskatore. Shkëputja e tyre kërkon më pas një tretës për t’u hequr.
Sipas burimit të The Information, Apple po punon për ta bërë këtë proces më të lehtë përmes teknologjisë së re dhe një ridizenjimi. Kompania është duke punuar në një teknologji të re të quajtur “lidhja ngjitëse e induktuar nga elektriciteti“, që përfshin mbështjelljen e baterisë në metal, duke i lejuar njerëzit të heqin baterinë nga shasia duke përdorur një goditje të vogël të energjisë elektrike.
Megjithatë, Apple sërisht do t’iu sugjerojë përdoruesve t’i drejtohen një profesionisti për të riparuar pajisjen e tyre.
