Shërbimet dhe pajisjet e Apple vazhdojnë të mbeten opsionet më tërheqëse për adoleshentët në SHBA, sipas disa të dhënave të reja të shpërndara gjatë ditës së djeshme nga kompania e investimeve Piper Sandler në sondazhin e përvitshëm mbi adoleshentët.
87% e këtyre adoleshentëve që morën pjesë në këtë sondazh treguan se zotëronin një iPhone, dhe 88% e tyre shprehën dëshirën që smartphone-i i tyre i ardhshëm të ishte po një iPhone. Përgjatë 10 viteve të fundit, përdorimi i iPhone-ve nga adoleshentët është dyfishuar. Në vitin 2012, ishin vetëm 40% e adoleshentëve në SHBA të cilët përdornin një iPhone.
Piper Sandler sugjeron se përdorimi i lartë i iPhone-ve mes të rinjve tregon për shërbimin e përshtatshëm të iPhone-ve si dhe përmirësimin në çdo gjeneratë të re. “Këto trende po inkurajojnë kompaninë të vazhdojë të prezantojë smartphone të reja dhe mund të jenë një katalizator për rritjen e shërbimeve të tjera, ndërkohë që shitjet e hardware të Apple rriten dita-ditës.”
Apple Watch nuk është po kaq e përhapur, vetëm 31% e të rinjve zotërojnë këtë pajisje nga Apple, megjithatë ajo mbetet ora inteligjente më e përhapur tek adoleshentët. Nga 36.8% e adoleshentëve që raportuan se përdornin një smartëatch, vetëm 5.8% pohuan se përdornin një orë inteligjente nga kompanitë e tjera.
