Versioni më i ri beta i iOS, 17.4 prezanton një sërë emoji-sh të reja të frymëzuara nga rekomandimet e Unicode të bëra gjatë shtatorit 2023 në Emoji 15.1.
Me 118 shtesa, duke përfshirë koncepte unike, emoji familjare të ridizenjuara, përditësimi synon të pasurojë komunikimin shprehës në platformë. Secila prej emoji-ve të reja mbështet tre opsione gjinore dhe pesë opsione të modifikimit të tonit të lëkurës, duke rezultuar në një total prej 108 variacionesh.
Brenda hapësirës në tastierë për emoji në iOS 17.4 beta, personazhet në emoji tashmë mund të shihen duke lëvizur në 2 drejtime të ndryshme, si në të djathtë ashtu dhe në të majtë. Këto emoji gjithashtu pritet të jenë të aksesueshme nga të gjithë përdoruesit me lançimin e versionit të qëndrueshëm të iOS 17.4 që pritet të vijë në mars ose prill.
Gjithashtu, këto emoji do të vihen në dispozicion të pajisjeve të tjera nëpërmjet përditësimeve të tyre përkatëse të OS.
