Ndër titujt kryesorë të lançuar gjatë Ubisoft Forward ishte sigurisht edhe Watch Dogs: Legion e cila futet edhe më thellë skutave të sistemit, pushtetit dhe abuzimeve.
4 vjet më përpara ama, në 2016, më shumë fansa iu afruan titullit me Watch Dogs 2, mjaft e suksesshme.
Këtë lojë e ke mundësinë ta shkarkosh falas që tani!
Mjafton të futesh tek faqja e Ubisoft dhe të logohesh tek adresa jote Uplay dhe do të mundesh të kërkosh një kopje të lojës për PC totalisht falas.
Pasi të kesh bërë gjithë proçedurën loja do të shfaqet në librarinë tënde Uplay, nuk dihet ende sa mund të zgjasë oferta ndaj do bëje mirë të nxitoje.
Ubisoft kishte deklaruar më herët se kopja falas do t’u jepej të gjithë atyre që do të ndiqnin live konferencën për shtyp Ubisoft Forward dhe do të logoheshin me Uplay.
Por për shkak të problemeve teknike shumë ndjekës nuk mundën të bëhen pjesë, ndaj kompania vendosi tua japë të gjithëve.
Kujtojmë se edhe Epic ka kaluar probleme të tilla, kur GTA V mund të shkarkohej falas serverat e tyre ranë për plot 8 orë.
