Pandemia nuk ka qenë aspak e lehtë me ekonominë globale ama siç edhe e kemi përdëritur disa herë këtu, industria video-gaming është rritur si kurrë më parë.
Kushdo që ka pretendime serioze ndaj saj me patjetër duhet të transmetojë në një nga platformat e dedikuara për këtë, Twitch, YouTube Gaming dhe Facebook Gaming.
Koha të bëjmë një bilanc për të kuptuar cila është më e suksesshmja dhe ku do të ishte vendim i zgjuar të transmetoje orët e tua të lojës nëse do të kesh një karrierë në këtë fushë.
1. Twitch
Padyshim mbreti i kësaj pune, e lançuar në 2007 dhe në 2014 u ble nga Amazon, Twitch ka bazën më të madhe të streamersave dhe orë të gjata shikueshmërie.
Vetëm tre mujorshin e dytë të vitit, platforma numëron 5 bilion orë shikime, shumë më tepër sesa Facebook dhe Youtube bashkë me 67.6% të tregut.
Ajo pati 197 milion orë streaming çka përbën 76.5% të tregut.
Ajo që e ndan atë nga konkurrenca është fakti se platforma është e ndërtuar që në zanafillë ekskluzivisht për gaming. Besnikëria e ndërsjelltë ka rezultuar në sukses ndër kaq vite, së fundmi edhe rreperi Logic ka firmosur një kontratë me të. Të gjithë streamerat më të famshëm kanë qenë këtu, Ninja, Shroud, Tfue, Nickmercs, Gaules, Dr. Disrespect etj.
2. YouTube Gaming
Duke marrë parasysh që është platforma më e madhe për video në planet nuk surprizohemi që të jetë në këtë listë. Fillimisht lindi si e pavarur por më pas u përfshi në platformën e madhe për të pasur gjithçka në një vend. Megjithatë kjo nuk mjafton për të kaluar Twitch, për të njëjtën periudhë YT Gaming ka 1.5 bilion orë shikime, 39% më i lartë se cerekmujorshi i shkuar. Totali i orëve streaming është 16 milion.
E gjithë bota është në YouTube por jo gaming. Numri i ulët i streamerave ndikon goxha, megjithatë me mbylljen e Mixer ata mbetën me një nga këto tre alternativa, dhe kush nuk preferon Twitch, YT Gaming është padyshim joshës. Një ndër ta është edhe Ninja.
3. Facebook Gaming
Facebook nuk është më aq i madh sa më parë, megjithatë mbetet forcë e konsiderueshme. FB Gaming u lançua në 2018 për të marrë një copë nga trendi i momentit. Shifrat nuk i afrohen dy të parave ama sidoqoftë rritja është e konsiderueshme me 11% të orëve të para, 22% orë streaming, dhe kanale të reja me 55%.
822 milion orë shikueshmëri janë mjaft, gati trefishi i vitit të shkuar.
Nuk është zgjedhja e parë për shumicën por rritja është e ndjeshme dhe Facebook po bën gjithçka mundet për ta stimuluar atë. Një aplikacion i dedikuar u lançua pak muaj më parë, tournamentet marrin vëmendje të veçantë, por edhe mbyllja e Mixer ndikon.
