Sony e ka cilësuar ofertën e Microsoft për të ruajtur praninë e Call of Duty në PlayStation si “të papërshtatshme në shumë nivele”.
CEO i Microsoft Gaming, Phil Spenser tha para një jave se kompania do të vazhdojë të ofrojë lojën Call of Duty në PlayStation “për disa vite më shumë” përtej kontratës ekzistuese që Sony kishte me Activision. Megjithatë Sony nuk është shumë e kënaqur nga kjo ofertë, ndërkohë që Microsoft është ende duke u përpjekur që të bindë rregullatorët për blerjen e Activision Blizzard.
“Microsoft ka ofruar që Call of Duty të mbetet në PlayStation vetëm 3 vite pas skadimit të kontratës midis Sony dhe Activision.” shpjegon drejtuesi i PlayStation, Jim Ryan.
“Pas pothuajse 20 vitesh Call of Duty në Play Station, oferta e Microsoft ishte e papërshtatshme në shumë nivele dhe nuk ka marrë parasysh impaktin e madh që ka në lojtarët tanë. Ne duam që të garantojmë përdoruesit e PlayStation se do të vazhdojnë të kenë eksperiencën më të fundit të Call of Duty, dhe parimi i Microsoft kërcënon këtë princip.” shtoi ai.
Deklarata e Ryan tregon qartë se “disa vite përtej kontratës aktuale” është një periudhë kohore prej vetëm 3 vitesh.
