Skin-i sekret i këtij sezoni është një nga personazhet më të frikshëm të fëmijërisë. Predator ka zbarkuar në Fortnite dhe Schwarzenegger nuk është aty për të na shpëtuar. Gjahtari intergalaktik dhe kapsula e tij u prezantuan në lojë javën e shkuar, duke ofruar kështu një goxha sfidë. Për të marrë veshjen e tij duhet që ta vrasësh atë, por të paralajmërojmë nuk është e lehtë aspak.
Ai ndodhet në Stealthy Stronghold, diku në qendër të zonës por ekzaktësisht ku nuk dihet pasi një grabitqar i vërtetë është gjithnjë në lëvizje. Nëse shkon t’a gjesh padyshim nuk do të jesh vetëm, dhe më mirë kështu pasi duhen shumë kundërshtarë për t’a mposhtur Predatorin. Gjuaj fishekët e tu, dhe ruhu e qëndro gati të përfshihesh në kaosin që ai lëshon.
Ndeshja tek e tek është shumë e vështirë, jo e pamundur, por goxha e vështirë. Ai përdor një mantel që e bën të padukshëm, ndaj është e vështirë t’a kapësh, prit momentet kur ai do të sulmojë që t’i gjesh vendndodhjen e më pas sulmo. Me t’a vrarë atë do shpërblehesh me veshjen e tij dhe të mira të tjera.
