Sigurisht që të gjithë jemi në ankth për luftën më të fundit midis Fortnite dhe Apple. Proçesi gjyqësor vendosi se Epic ishte në faj për shmangien që i përi politikave të pagesave të Apple. E tani bashkë me bllokimin e Fortnite, Apple ka hequr të drejtën e aksesit të Unreal Engine tek burimet e veta.
Mund të duket si një gungë e vogël përpara një gjigandi si Apple, por Fortnite është në fakt arma e duhur e Epic Games për të ndryshuar perceptimin e gjigandëve si Apple apo Google në sytë e publikut.
Politikat monopol nga dy platformat e mësipërme në fakt janë denoncuar edhe nga shumë kompani të tjera, por nëse të tjerat nuk shkaktojnë shumë prishje terezie për publikun, industria e gaming po.
Tek e fundit vetëm industria e mobile gaming vetëm këtë vit do të gjenerojë $77.2 bilion. Fortnite së fundmi lançoi edhe tournamentin #FreeFortnite tek i cili tallet fuqishëm me Apple. Ndër të tjera fton lojtarët të afrohen tek platforma të tjera pasi nga iOS nuk mund të kenë më akses.
Një pikë tjetër shumë e rëndësishme e këtij konflikti ka të bëjë me Unreal Engine i cili është motorri më i famshëm për zhvillimin e lojrave. Vite e vite investim nga zhvillues të ndryshëm nëpër botë, tashmë shkojnë të gjitha në kosh pasi nuk mund të kenë akses në iOS.
Fushata e Epic Games dhe zëri i zhvilluesve privatë i shtohet gjithë ankesave nga bota e aplikacioneve, monopoli i Google dhe Apple, fakti që ato të dyja caktojnë sipas dëshirës rregullat duhet të jetë një alarm serioz për instancat që shqetësohen herë pas here për legjitimitetin e konkurencës dhe tregut të lirë. Tournamenti tek e fundit është një vegël e mirëmenduar për të informuar edhe ata që nuk kanë menduar ndonjëherë se si u vijnë produktet dhe me cilat kosto.
