Listës së viktimave të Covid19 i shtohen edhe dy tituj të tjerë të shumë pritur të Ubisoft.
Dhe me viktimë e kemi fjalën qartazi për shtyrjen, ashtu siç ndodhi me Cyberpunk 2077, edhe Far Cry 6 dhe Rainbow Six Quarantine nuk do të vijnë në kohë. Edhe më keq, nuk pritet të vijnë përpara gjysmës së dytë të 2021.
Sipas Ubisoft, ata duan që të shfrytëzojnë potencialin e plotë të një lançimi siç duhet për të dy titujt e shumëpritur, por kufizimet e pandemisë dhe puna nga shtëpia e shumë punonjësve kanë ndërhyrë në planet e kompanisë.
Far Cry 6 duhet të vinte në 18 shkurt të vitit të ardhshëm, ndërsa Rainbow Six edhe më herët. Planet e reja flasin midis prillit 2021 dhe marsit 2022. Goxha hapësirë kohore.
Far Cry 6 u prezantua për herë të parë gjatë një konference në korrik, ku u zbulua se karakteri antagonist do të dublohej e përfaqësohej nga Giancarlo Esposito i Breaking Bad. Lajmi u prit pafundësisht mirë nga fansat por duket se do të na duhet të presim edhe ca derisa ta kemi në duar.
